Dawa ka KSU ban pynioh lad jingiarap ba shipor iaki shnong khappud Bangladesh

Syllad | The Rising MeghalayaJuly 2, 2020

Ka Khasi Students Union (KSU), Narpuh Circle kala dawa na ka sorkar jylla ban pynioh ha jingiarap shipor da kaba shna iaka surok ha ki saw tylli ki shnong khappud India Bangladesh.

Ha u kyrwoh ba la phah da u President ka KSU Narpuh Circle bah KS Suchiang bad u General Secretary bah Sanatomba Bamon kila dawa na ka sorkar jylla ban pynioh lad jingiarap ba shipor iaki shnong khappud India Bangladesh ba kynthup iaka Lejri, Lailong, Huroi bad Hingaria da kaba shna ia u surok tang ba kin suk ka iaid ka ieng ha kane ka aiom slap.

Katkum u kyrwoh ba la phah ka KSU Narpuh Circle kala ong “Ngi pynrem jur iaka sorkar kaba leh bymsuidniew ia kine ki shnong ha kaba im hapdeng ka jingim kaba syrtok ban iaid haka surok ktieh bad surok khyndew haka aiom slap wat ha kane ka juk shai mynta. Bun ki mynsiem kila duhei ha ka surok kaba pyniasoh ia kine ki shnong haka shitom shaja namar ba ki sahkut ka lynti ka synkieng.”

“Kine ki shnong ki kiba don palat iaka 5000 ngut ki nongshong shnong la ithuh iaki tang haka por elekshon da ki nongmihkhmat paidbah bad haduh mynta kine ki shnong ki im jynjar bad kordiet bad shadien ha baroh ki liang haka roi ka par,” ong shuh shuh ki nongialam ka KSU bad iaroh ia u smala u Kynjaimon Amse u nongiasaid aiñ uba long shisha u myntoi ka imlang ka sahlang uba la mihshakhmat ban iakhun ban pynioh iaka hok u paidbah ha katei ka thain.