Dawa ka KHNAM ban khang khyrdep mardor ia ki dukan beain ha Them Iew Mawlong

Syllad | The Rising MeghalayaNovember 27, 2024

Ka Khun Hynniewtrep National Awakening Movement (KHNAM) ha ka 26 tarik Naiwieng ka la dawa na ka KHADC ba kan khang khyrdep noh mardor ia baroh ki dukan beain kiba don harud ka surok ha Them Iew Mawlong.

Ha ka shithi sha u Executive Member i/c Trade, u Working President ka KHNAM u Bah Thomas Passah u la kynnoh ba hadien ka jingplie biang ia ka surok ha Them Iew Mawlong, la iohi ia ka jingmih kynsan jong kiba bun ki dukan bad kiwei pat ki kam khaii pateng ba la pyniaid da ki briew ki bym dei na ka jaidbynriew Khasi ha kane ka jaka bad ki bym don ruh ia ki Trading Licence na ka KHADC kaba dei ka jingpynkhein kaba pyllein pyllein ia ki kyndon jong ka Trading by Non-Trading Regulation 1954.

“Kumta ruh ngi dawa jur ba dei ban khang khyrdep noh mardor ia kine ki dukan bad kiwei pat ki kam khaii pateng kiba don ha kane ka jaka,” u la ong ha ka shithi.