Dawa ka FKJGP naka JHADC ban sangeh ai trading license sha ki bar jylla

Syllad | The Rising MeghalayaMay 7, 2025

Ka Federation of Khasi Jaintia & Garo People (FKJGP) West Jaiñtia Hills, kala dawa iaka Jaintia Hills Autonomous District Council (JHADC) ba kam dei ban ai trading license iaki bar jylla ia ki kam kiba ki trai jylla ki lah ban trei.

Haka dorkhas ka FKJGP sha u EM In-charge ka Trading License JHADC Ma Jesse Suiam haka 6 tarik Jymmang kala pynpaw iaka jingsngewkhia kaba jur halor ka jingioh license uwei u bar jylla ban trei ha ka project jong ka MePGCL wat iaki jait jingtrei ba lah ki trai jylla ban trei.

Kane ka kam kaba ioh license une u bar jylla kadei ka Technical Bid Evaluation Summary on Rehabilitation and Improvement of Basic Facilities of Myntdu Leshka Stage-1 ha West Jañntia Hills District, Meghalaya Under DRIP-II (Package- VI), la ong ka FKJGP bad kala dawa na ka konsil ban pyndam ia kane ka trading license une u bar jylla.

U president ka FKJGP u Marhok Myrboh ula pyntip ba u EM ka konsil ula kular ban shimkhia ia halor kane ka mat.