Dawa ka EJNC ban kem ïaki briew kiba tah ïit ïong haki kali

Syllad | The Rising MeghalayaApril 11, 2021

Ka East Jaintia National Council (EJNC) Khliehmyntriang Unit kala dawa na ka bor District ban kem bad pynshitom ïa ki kali kiba tah iit ïong katkum ki kyndon jong ka ka aiñ ñiah kali.

U President ka EJNC Khliehmyntriang u Lektor Dkhar, ula ong ba kam tah ïing iong kala kylla long ka kam rongphong bad kaba lah ruh ban ialam sha ki kam thala. Ula ong ba kane ka jingtah ïing ki kali ka buh jingma iaki kynthei khynnah ha kine ki sngi khamtam ba la jia bun ki kam sniew kiba la wanrah iaki jingjia ba sngewsih.

Une u nongialam ka EJNC ba lada ki bor jong ka aiñ ki leh bymsuidniew, kum ka seng kaba peit iaka bha ka miat kin shim da kiwei ki lad ki lynti ban pynduh iaka jingtah ïing ki kali hapoh district.