Daw pynwyrngia u J-Sol ha ka Jaiñtia Hills Winter Music Festival ha Ialong

Syllad | The Rising MeghalayaDecember 27, 2023

Ka tamasa Jaiñtia Hills Winter Music Festival daw pynman ya ka ha ka 28 wa 29 tarik uni u bnai hajrong ka phang Harmony Across Borders ha Ialong Tourist Village,West Jaiñtia Hills.

Ha kani ka tamasa u J-SOL wa pawnaam na ri Bilat (Britain) daw wan pynwyrngia ya kiwa wan cha kani ka tamasa chirup wa kiwi kiwi.

Hajrong u J-SOL daw em ki dhab tem wa pawnaam na Shillong wa na kylleiñ ka India ki wow tem ya ki sur wa har rukom wow pynyoo yei sap yong ki.

Ka dhab INCIPIT na Dimapur (Nagaland), wa da seiñ na u Naichiphaw 2009 kawa da jop ya ka ‘Lets Rock Kohima’ ha u 2010 leh daw wan pynwyrngia ki, wei da man ki leh kam kiwa yoh wa ar ha ka Hornbill National Rock Contest 2010 wei ha u 2011 da jop ko ya ka yakob ‘Rock Rules’ Guwahati.

Daw em leh ki dhab tem na ka jylla nadooh ka Dews Drops Hamartia, Rudy & The Cool Kats & Ferdy & 2DB, Khmih Creative Society, Lily Sawaian, Gracyl Ropmay, kiwi ki DJ.
Promoting Cultural Exchange:

Ya ki Ticket wa ki yutip wa bniah ye u lai ha ka Website www.jaintiahillswinterfestival.fun neibynta wow sahmiet namo Camping ye u phone ha u No. 8131917750