Da ki taiew lip bording haka thain Narpuh, ki karkhana ki thaba khrek: KSU

Ka Khasi Students’ Union (KSU) kala ong ba tang hadien ba jaw u slap malu mala baroh kawei ka thain Narpuh kaba hap ha East Jaintia Hills District kala hap ban mad iaka jingduh light kaba la neh da ki taiew.
U Sanatomba Bamon general secretary KSU Narpuh Circle, ula ong “Ngi la sakhi iaka jinglip light namar ka jingjur palat u slap bad lyer ha kine ki khyndiat sngi, phewse kaba phylla pat ha kawei ka liang tang shu hap slap malu mala ka Light ruh kala shu lip hi.”
“Tip na kaei ka daw kaba pynlong kumtei haba tang shu jaw slap ka light ruh ka duh la ka duh. Ka jingbymbiang ka jingioh bording sha ki thaiñ Narpuh ka la iai bteng man u snem,” la ong u Bamon.
Ka KSU kala ong ba ka jinglip ka bording ka jia ruh haka por ialeh exam ki khynnah school.
“Ka jingshah iehbeiñ bad shah leh shilliang ka thaiñ Narpuh haka sorkar. Ki nongmihkhmat naduh MDC, MLA bad MP kim juh kren eiei halor ka jingbymioh bording bad kiwei kiwei ki lad pynroi jong kane thaiñ,” la ong u shuh shuh une u nongialam ka KSU
Ki paidbah hap siew la ka siew thik pa thik iaka bill light, mombati, umphniang sharak bad kiba duna ka ioh ka kot kila shah ktah shaba palat.
Ka KSU kala kyntu iaka sorkar, MeECL ban pynbiang bording ha baroh kawei ka thain kumba pynbiang ka sorkar ia ki karkhana kiba don ha kane ka thain kiba hapdeng u lapbah lapsan, ki karkhana ki thaba khrek.

Leave a Reply