Da ka curfew miet ba san sngi, khangdam 16-19 tarik pynjari ha South West Khasi Hills
Ka Disrtict Magistrate, South West Khasi Hills kala pynjari da ka Curfew Miet kaba san sngi lynter naduh ka 12-16 tarik Naitung 2021 naduh ka por 10 baje mynmiet haduh 5 baje mynstep man ka sngi. Katba ka jingkhangdam kalong naduh ka por 10 baje mynmiet, katba ka jingkhangdam ka long naduh ka por 10 baje janmiet jong ka 16 tarik Naitung, 2021 (Sngi-thohdieng) haduh ka por 5.00 baje mynstep jong ka 19 tarik Naitung, 2021 (Sngi-nyngkong).
Ka district magistrate la pyntreikam iaka kyndon jingpynjari ban tem iaka jingpur ka khlam, ban pynjem ruh iaka jingeh ka tnad ka koit ka khiah bad ban lait naka jingduh iaki mynsiem ba kordor.
Katkum ka hukum la shah ban plie ia baroh ki ophis Sorkar ha ka district.
La khang ia baroh ki jingialang paitbah kum ki jingiaseng, ki dorbar shnong, ki meetings, ki training bad kiwei kiwei de.
La khang ia ki jingiathoh shongkurim tad haduh ban da pynbna da kumwei pat.
Lada don kano kano ka jingjia kum ka jingiap briew ki nongshim bynta ki dei ban long tang 10 ngut ha ryngkat ka jingioh jingbit shuwa napoh ka ophis jong u Deputy Commissioner/ Sub-Division (Civil), Ranikor. Ym shah ban don kino kino ki jingialum paidbah hadien ka jingleit on tep.
La khang ia baroh ki jaka jngohkai (tourist spots) hapoh ka district bad ia ki nongjngohkai pyrthei (tourist) lane ki nongwei kiba wan sha ka district.
Ka iew ia die ia thied ha khappud Borsora, Bagli bad Cherragaon, la shah ban plie katkum ka jingbthah na ka ophis u Addl. Deputy Commissioner, i/c Ranikor Civil Sub-Division ha ka order No. RCSD/TRANS/L & C/2019/151, dated Ranikor the 28th June, 2021.
La khang baroh ia ki jingialehkai sports bapher bapher hapoh ka district
La shah ia ki jaka trei (In-situ constructions) jong ka Sorkar lane ki kam shimet hynrei ki nongtrei kidei ban sah ym ban mih na jaka trei shabar. U trai jaka trei u dei ban pan jingbit shuwa na ka ophis I Deputy Commissioner/ Sub-Division (Civil), Ranikor na ka bynta ki jingtrei (construction).
La khang ia ki Schools bad Colleges, hynrei la shah ban hikai lyngba ki Online classes.
Yn shah ia ki nongrep, ki Rural Schemes kum ka MGNERGA schemes hynrei tang ha kito ki shnong ki ba duna ka covid-positive case, hapoh ka jingpynbeit jong ki BDOs.
Ki lew hapoh ka district yn pyntreikam ryngkat ki kyndon harum :(i) Ki dukan die ia ki marbam / tiar ba donkam (essential commodities) ha ki Shnong la shah ban plie hynrei ki dei ban khang ha ka por 5:00 baje janmiet.
Ka lew Mawkyrwat bad ka lew shipor (Temporary Farmers Market), la shah ba kin plie naduh ka Sngi-nyngkong haduh ka Sngi thohdieng por 9 :00 baje mynstep haduh 5:00 baje janmiet. La shah ban plie ia ka lew Mawkyrwat katkum ka jingpynbeit ba la bthah da ka ophis ha ka order No. SWK/COVID-19/ORDERS/P1-11/110, dated 24/06/2021.
La khang ban iaid ia ki briew bad ki kali na kawei ka district sha kawei pat (Inter- District), lait noh tang kito kiba don ia ka car pass. la kiba iaid hapoh jong ka district (Intra-District) la shah ban iaid da ki odd- even number. Ki kali kamai kidei ban tah ha ka jaka ba paw shynna bha ia ka jingthoh “VACCINATED” (dep inject) lane NOT VACCINATED (pat dep ai inject) ha ki kali.
La shah ban wan ialam iaki nongtrei ba tbit (skilled manpower) na kiwei ki jaka na ka bynta ki Government construction Projects, hynrei tang hadien ba la ioh jingbit na ka ophis jong I Deputy Commissioner.
Kane ka hukum kam kynthup ia ki: (i) Kali Sorkar, (ii) Police, Security bad Armed Forces, (iii) Fire bad Emergency Services, (iv) Telecommunication Services, (v) MePDCL, (vi) Banks & Post office, (vii) Information bad Public Relations, (viii) PHE (Water Supply), (ix) Ka tnat ka koit ka khiah (Health services) kynthup ia ki lad jingshakri kiba donkam kyrkieh (emergency services) medical teams bad officials jong ka COVID-19 vaccination programmes, (x) Ophisar bad ki nongtrei jong ka Corona Care Centre, (xi) Ki kali ba kit ia ki mar bam bad kiwei kiwei (essential goods), (xii) Ki kali supply dawai bad Pharmaceuticals, (xiii) Aadhaar Enrolment sessions bad programmes, (xiv) Fair Price Shops bad LPG, (xv) Petrol pumps, (xvii) Medical emergencies, (xviii) Public Works Department (PWD), (xvi) Print & Electronic Media, (xix) MGNREGA bad ki kam rep kam riang katkum ka jingpynbeit ki BDOs, (xx) Ki lad jingshakri jong ka Veterinary ba kynthup ia ka jingkit jingbam na ka bynta ki jingri jong ki nongrep, (xxi) NHIDCL (National Highways & Infrastructure Development Corporation) Ltd.
Ki kam bad ki lad jingshakri ba la kdew haneng kidei ban bud pyrkhing ia ki kyndon treikam (SOPs) kum ka jingdeng 2 tylli ki mask, pynia jngai parabriew kumba 6 phut ne 2 meter bad ka jingsait ia ki kti barabor, ka jingpynduna ia ki field staff bad kiwei kiwei ki jingbthah jong ka Sorkar lyngba ka tnat Health bad Family Welfare Khlem da Pynkhein.
La shah ban iaid ia ki kali ba kit ia ki tiar ba donkam eh, Security Forces , Medical Equipment’s hynrei ki dribar bad ki nongbud jong ki kali kin hap ban leh medical screening katkum ki kyndon ba la buh. Ki Dorbar shnong hapoh ka jingpyniaid jong ki Incident Commander kin peit ia ka jingpynbiang ia ki tiar ba donkam eh ha ki shnong ki thaw lyngba ki dukan ha ki dong bad kyntoit. Hynrei ha ka por ba don Curfew miet bad Jingkhangdam (Lockdown), ki nongshong shnong ki dei ban shongkhop ha la ki iing ki sem bad ki shnong ki thaw.
Baroh ki kali private bad kali kamai hapoh district la shah han iaid katkum ki jingpynbeit odd-even naduh ka 12 tarik Naitung, 2021, tad haduh ban da pynbna da kumwei:
Facebook
Instagram
Youtube
Twitter
Leave a Reply