Da i pynlang jhep pyllah pynman ka PTEDS

Syllad | The Rising MeghalayaDecember 29, 2023

Kamwa jooh man khlieh u snem ka Dorbar Chnong Panaliar ha uni u snem leh da pynman ko ya ka tayaaw lehkmen namo ka Panaliar Week chwa wow kut uni u snem.

Ynne ka sngi kam chibynta yong i lehkmen ka Panaliar Tourism and Environment Development Society (PTEDS) da pynman ko ya i jied jhep pyllah neibynta ki khynnah.

Ya ini i jied jhep pyllah da pynman ha Treriat nadooh na Mot u Woh Kiang Nangbah hadooh ka Yingkieñ Naar.

Iwi na i thong wa pynman ya ini i jied jhep pyllah toh wow wanrah ya i khooid i jngiar wei wow pynpsiah ha i thij i pyrkhat ki khynnah yei emkaam wow pynneh pynsah wei wow yada ya ka rymaw.