Da ka hattrick u Mar oo Shylla jop ka Pateinki Sabah haka U-17, ka Lumsliarsliar, Lutituber haka Third Div ka WJDSA

Syllad | The Rising MeghalayaAugust 6, 2024

Ka Pateinki Sabah kala jop da 5-1 kol iaka Katholik Youth Mihmyntdu haka jingialehkai Independence Day Cup Under-17 Football Tournament, katba ka Lumsliarsliar bad ka Nonglatem kila jop mar 2-0 iaka Pynthorlangtein bad ka Myrjai haka Third Division Football Tournament kiba long haka 5 tarik Nailar ha Kiang Nangbah Stadium,

Baroh ar tylli ki lympung ialehkai ki dei kiba pyniaid daka West Jaintia District Sports Association (WJDSA).

Ka namjop jong ka Pateiki Sabah kala wan lyngba ka hattrick jong u Mar oo Shylla, uba marwei ula thep lai kol  (5, 21, 60+2),  ar kol la thep da u Helpmi Bang (43) bad u Wanmi Shylla (51).

Shilkol na kaliang ka Katholik Youth Mihmyntdu la thep da u Honesty Phawa (17).

Haka jingiakhun kaba bud, ka Lutituber Ialong kala pynliem iaka Panaliar da 3-0. Ia kine ki lai kol ka Lutituber Ialong la thep da u Shwaki Dhar haka (18, 21) bad u Hawni Phawa (30).

Haba phai sha ka jingiakhun Third Division ka Lumsliarsliar kala pynliem iaka Pynthorlangtein da 2-0 bad ka SC SC Nonglatem kala pynliem iaka Myrjai da 2-0

Ia ki ar kol ka Lumsliarsliar la thep da Chain Ryngkhlem (7)  bad u Superior Ryngkhlem (20).

Katba iaki kol jong ka SC SC Nonglatem la thep da u Healty Lamare (13) bad u Iohpdiang Mynsong haka (36).