Byrthen khang tala ka KSU ïaka Vodafone ba thungkam nabar jylla

Syllad | The Rising MeghalayaMarch 4, 2019

SHILLONG: Ka KSU Nongthymmai Circle hapoh ka jingialam u General Secretary  u Richard Mawkhiew hadien ba la ioh jingtip ba ka company Vodafone ka mut thungkam da u bar jylla ban peit ïaka nongbah Shillong bad ki jaka marjan kala leit ban pynsangeh mardor.

Ki nongialam ka KSU kila leit ha jaka treikam ka company ha Laitumkhrah Shillong ban pynsangeh mardor iaka tei ka jingthmu thung kam bad kala ïakynduh iaki nongpyniaid ka company kiba la kular ban peit da ki briew kiba la biang kyrdan na kane ka jylla.

Ka KSU kala maham ba lada ka Vodafone ka thung da ki briew kiba na shabar ka Jylla kan khang tala ïaka company namar ba ka KSU pyrshah ban wanrah da u bar jylla”, ong u Richard Mawkhiew bad bynrap ba bunsien ka KSU ka ïakynduh iaki company bapher bapher bad dawa barabor ban thung kam iaki trai ri, hynrei bunsien la lap ba ki iaid lait bad wanrah da ki briew kiba nabar.