Byrthen khang tala ka KSU iaka toll plaza Lumshnong ba leh kleṭ iaka jingshngaiñ ka surok bah NH 06

Syllad | The Rising MeghalayaJune 6, 2022

Ka Khasi Students’ Union (KSU) Narpuh Circle kala byrthen ban khang tala iaka toll gate ha Lumshnong hadien ba NHAI kala leh kuman ban maramot iaka surok bah NH 06 kaba la jot rathai ka surok bah NH 06 naduh na Mynkre sha duh Ratacherra.

Ka KSU kala ong ba kane ka surok bah kala jot bda dap sa tang ki thliew ki syar kaba buh jingma iaka iaid ka ieng ki kali, phewse ka NHAI kala leh kuman ban kam shym la maramot ne pyndap iaki thliew kiba la dap um kum ki pung ba buh jingeh ban iaid ki kali naduh kiba heh haduh kiba rit.

Pule | Ka NHAI kadei ban pynjem iaka jingsahkut kali bad maramot iaka surok NH 6: KSU

Ka KSU ka jaka kaba la shondur ba ring dur ka dei ha ka jingkieng ha Tongseng kala sniew shaba palat bad kala dap um kum ka pung kaba buh jingma iaka iaia ka ieng ki kali.

Wat hapdeng ka jingsniew ka surok, ka toll plaza ka khrong pisa puk puk na ki kali ba iaid ba ieng, katba lyndet iaka jingshngai ka surok. Kumta ka KSU ka ai por tang ar (2) sngi ia ka NHAI ban maramot ia baroh ki jaka ba pei thliew ha baroh shilynter u suroh naduh Mynkre shaduh Ratachera.

Ha kawei pat ka Khubor ka KSU Lumshnong unit kala pynlong iaka prokram thung dieng kum shibynta ban rakhe iaka World Environment Day. Ia kine ki tynrai dieng la ai sngewbha da ka tnad kam khlaw ha Umkiang.