Byrthen khang tala ka KSU iaka CHC Namdong bym pdiang iaki nongpang

Syllad | The Rising MeghalayaApril 6, 2023

Ka Khasi Students’ Union, Namdong Area Unit kala byrthen ban khang tala iaka Namdong CHC hadien ba kala lap iaka jingdkhoh treikam jong kane ka jaka sumar.

Kane ka jaka sumar ka dei kaba la kyntiew kyrdan ha kine ki khyndiat bnai naka PHC sha ka kyrdan CHC ha u bnai Naiwieng 2022.

Ka KSU Namdong haka sngi Palei kala wan iakynduh ruh ia District Medical Health Officer (DMHO) West Jaintia Hills District u Dr. KC Ajar halor ka jingdkhoh treikam kane ka CHC. Ka KSU kala iathuh ba naka daw ka jingbym biang ka um ha kane ka jaka sumar, kane ka CHC kam pdiang ban sumar iaki paid nongpang na kylleng ki shnong kiba hap hapoh kane ka CHC Namdong.

U general secretary KSU Namdong ula ong ba kila ai da ka jingthoh ha u DMHO bad la pynpaw ba nalor bym pdiang iaki nongpang ha kane ka CHC, ki paidbah ba wan shim dawai ha kane ka jaka sumar ruh ki shem jingeh namar ka jingbym biang por ka rukom wan trei ki nongtrei kane ka jaka sumar

Na kaliang u DMHO ula kular ban shimkhia ban pynbiang iaki jingdonkam ha kaba na kaliang ka KSU kala ai por hapoh shitaiew ban pynbiang iaki jingdonkam kane ka jaka sumar bad kala lada ka tnad ka koit ka khiah ka phiel, ka KSU kala rai ban khang tala shi syndon ia kane ka jaka sumar.