Byrthen ka JSM ban pynpra iaka khilon ha Tuber Shohshrieh

Syllad | The Rising MeghalayaAugust 6, 2021

Ka Jaiñtia Student Movement (JSM) Eastern Region kala byrthen ban pynpra iaka khilon kaba la shu ieh khongreng ha Tuber Shohshrieh, East Jaintia Hills la shinem mynta.

Ka JSM kala ai da ka dorkhat ha Deputy Commissioner, East Jaintia hills haka sngi Palei, ban dawa na u ban shna pyndep mardor ia katei ka khilon ne ka Welcome Arch kaba don ha Tuber Shohshrieh kala shna naduh ka por u Deputy Commissioner barim Bah FM Dopth bad kaba la plie paidbah Ïa u maw nongrim la dep ban plie paidbah naduh ka 10 tarik Nailur 2020 la ong ka Wellson RD Siangshai, president JSM Eastern Region.

Ia kane ka khilon la shna lyngba ka Public Private Initiatives project da ka Star Cement.

Ka JSM ka la ai por hapoh ka 16 tarik une u bnai ban sdang noh ïaka jingtrei bad maham ba lada ka jingtrei kam sdang ka JSM kan pynpra ïa baroh ki jingtei.

Ha katei ka jingiakynduh la ïalam da u president u Wellson RD Siangshai haka jingïadonlang u General Secretary Suni Bareh, u Vice President Donkupar Roy Kharkrang, u Shyning Shylla Organising Secretary bad kiwei kiwei.