Byrthen iakhih sa ka JSU bym plie ïaka Girls bad Boys Hostel ka Kiang Nangbah Government College

Syllad | The Rising MeghalayaApril 9, 2019

JOWAI: Ka Jaiñtia Students’ Union (JSU) kala ai por shi bnai bad byrthen ban iakhih lada ka sorkar kam plie noh ïaka Girls bad Boys Hostel jong ka Kiang Nangbah Government College.

U President jong JSU u Lawyerson War ula byrthen ba lada ka sorkar ka dang pynslem ban plie ïa kine ki ar tylli ki hostel kan pynlong da ka jingiakhih paidbah.

Ïa ka girl’s hostel la dep shna saw san snem mynta, hynrei haduh mynta ïa kane ka hostel ym pat pyndonkam. Ïa kane jaka sah ki kynthei la bei pisa da ka UGC. Ka boys hostel ruh ka dang iaid ka jng maramot haduh mynta ym pat ai phorm sha ki samla pule kiba thmu ban sah hostel.

Dangshen ha u bnai Lber 19, ki samla pule ka College hapoh ka lama KNGCSU kila ai dorkhat sha ka tnad pule puthi bad u myntri ka pule puthi ban pynbiang ia baroh ki jingdonkam ka kolej kynthup ïaki nonghikai bad kila ai por shi bnai.