Bynñiaw ki briew elekshon ba ioh ja khaw ot & tyrkhong bad u phan tylli

Syllad | The Rising MeghalayaMarch 28, 2019

JOWAI:  Ki briew kiba shah jied ban leit training na ka bynta ka election MP kaban sa long ha Iaiong 11, kila pynpaw ka jingbynñiaw kaba khraw halor ka jingbym khein briew ka tnad Election West Jaiñtia Hills District bad la kynnoh ba ai bam ïaki da kaba tyrkhong, khaw ot, phan tylli bad sha pjah.

Kine kiba shah hikai ban pyndonkam iaki kor ki bor VVPAT, EVM bad kiwei kiwei na ka bynta ban iaid beit ka jingthep vote MP elekshon ha Jowai kila kynnoh ba ki ioh ka jingbam kaba la pynkhreh tang dep rukom haba ka sorkar ka pynlut da ki klur ban pynkhreh iaka elekshon kynthup ka bam ka dih. “Ha Jowai ka bam kaba la pynkhreh ym i bang satia ban bam namar ba ka ja kalong kaba eh ne tyrkhong, kaba khaw ot, ka doh kaba ym I bang ban bam bad ka sha kaba pjah”, la ong kiba shah hikai.