Buh thong u MLA Nartiang ban sam tin sopiing sha ki 5000 iing

Syllad | The Rising MeghalayaApril 21, 2025

U MLA ka Nartiang bad Symbud Myntri Rangbah ka Jylla u Ma Sniawbhalang Dhar ula buh iaka thong ban sam tip sop iing sha ki 5000 tylli ki longing hapoh ka constituency jong u ban pynduh iaki iing ba tap da ki phlang.

Ia kane ula ong haba sam iaki tin soping ha ka 19 tarik Iaiong ha ka shnong Wahiajer.

Ula ong ba ka jingsam iaki tin sopiing ka dei kaba la leh manla ka por bad bun ki longing kila ioh myntoi, hynrei mynta kine ki tin kiba la sam ki dei na ka bynta ki longiing kiba dang mih thymmai bad sha kito ki longiing kiba donkam ban maramot ia ki tnum iing jong ki.

U Symbud Myntri Rangbah ula ong ba mynta ka kynti ula mang ban pynioh tin sopiing sha ki 5000 tylli ki longiing bad u kyrmen ba lyngba kane ka jingsam iaki tin sop iing kan pynduh noh iaki iing kiba sop da u phlang.

Ha kane ka sngi la sam ia kine ki tin sha 600 tylli ki longiing na ka Wahiajer bad ki shnong ba marjan.