Buh jaka ka Saw Lyngdoh haka semifinal U-17 Boy’s ka Subroto Cup u DSO Jowai

Syllad | The Rising MeghalayaJune 28, 2023

Ka Saw Lyngdoh Higher Secondary kan long ka skul kaba nyngkong eh ban ioh buh jaka ialade haka kyrdan jong ka semifinal haka kyrdan Under-17 Boy’s haka lympung ialehkai ki khynnah skul- District Level Subroto Mukherjee Cup kaba pyniaid da ka ophis u District Sports Officer, Jowai kaba long ha Kiang Nangbah Stadium.

Kane kala wan hadien ba ka Saw Lyngdoh Higher Secondary School kala jop ia Ka Syiem Jingsuk haka jingiakhun quarter final kaba long haka sngi Balang. Ka Saw Lyngdoh ha kane ka jingiakhun kala jop salit da 1-0 kaba la biang pura iaka ban rung sha ka semifinal.

Haba phai sha ka jingiakhun pre quarter final haka kyrdan Under-14 Boy’s, ka Marian Hill HS School ka la pynliem ïaka All Saint Diocesan School da 2-0.

Ka HK Singh Memorial Secondary School kala pynliem 2-1 ïaka David & Lois Rees Memorial School.

Ka Laishnong HS School kala jop da 2-1 ïaka Riwar Jaintia COG Secondary School.

Ka Ialong Secondary School jop da ka tie breaker da 3-1 ïaka Jowai Govt. UP RMSA School bad ka Lumpyrtuh Secondary School kala pynliem da 2-1 ïaka Ummulong Presbyterian HS School.

Da kane ka namjop kine ki san skul kila buh jaka ialade haka quarter final.