Buh jaka ka Moopyniein bad ka Tuber Kmaishnong haka semifinal 3rd Div ka EJHDFA

Syllad | The Rising MeghalayaOctober 9, 2024

Ka Moopynïeiñ SCSO bad Tuberkmai Shnong kila lah ha kaban buh jaka ialade haka kyrdan semifinal haka 3rd Division Football Tournament kaba pyniaid da ka East Jaintia Hills District Football Association (EJHDFA).

Kane ka la wan hadien ba ka Moopyniein bad ka Tuber Kmaishnong kila khur jingjop haka jingialehkai quarterfinal kaba la long ha madan artificial turf ha Deinshynrum, Khliehriat haka 9 tarik Risaw.

Ka Moopynïein kala jop da ka tie breaker da 4-3 iaka Wapungskur. Haka jingiakhun haka por bala buh ka jingialehkai kala kut khlem don mano mano ba ioh pynkhih jar.

Ka Tuber Kmaishnong kala tam shakhmat da 3 kol haka kylla miet lyngba ki kol kiba la thep da u Phrangki Phawa (53), Wansalan Kyndait (74) bad Arnes Ryngkhlem (79). Ka Ratacherra kala pyrshang lem ban iakhun ban ioh thep kol, hynrei la lap noh ba kut ka por.

Lashai ka sngi 10 tarik Risaw, ka jingialehkai kan long hapdeng ka Lumshnong YWSC vs Wapung Shnong SC haka por 10:30 am bad ka Dkhiah West SC vs Lakadong Ummat SCC haka por 12:30 pm