Bteng ka jingialeh Ka Sur Ki Nong Mawlai, da jingsoi paidbah bad thang mombati ban dawa sospon iaki pulit ba siat iap ia u Bah Che

Syllad | The Rising MeghalayaAugust 27, 2021

Kiba haïing hasem u Bah Cheristerfield Thangkhiew, u general secretary barim ka HNLC bala shah siat iap ha ki pulit haka 13 tarik Nailar kila iashimbynta haka jingsoi paidbah ne ka signature campaign ban dawa iaka jingbishar hok bad sospon iaki pulit kiba siat iap ia u Bah Che haka sngi Thohdieng ha Mawlai.

Hadien ka jingiaspoi paidbah haka por 6 Pm ki paidbah kila mih sha surok ban iashimbynta haka jingthang mombati bad ka jingiaid paidbah na Mawlai Petrol pump sha Stand Bus Mawlai Phudmawri.

Ka Sur Ki Nong Mawlai ka dawa ban sospon mardor ia ki ki pulit kiba shah kynnoh donkti ban siat iap ia u Bah Che.

Hynrei na kaliang ka sorkar haduh mynta kam pat pyni ki dak ki shin ba kan sospon iaki pulit bad ka jingialeh ki nong Mawlai ruh kala ïai bteng.