Bteng ka Efty Utd ban jop haka Cricket ka WJHDCA

Syllad | The Rising MeghalayaApril 24, 2023

Ka Efty United XI kala jop da 149 run pyrshah iaka Khliehtyrshi SC haka open to all cricket tournament ka West Jaintia Hills District Cricket Association (WJHDCA) kaba long ha madan ialehkai ka Khliehtyrshi haka sngi Nyngkong.

Ha kane ka jingiakhun ka Efty kala tied shuwa ban kamai 230/6 na ka 35 over. U Sylvester Mylliempdah (138) bad Sanvert Kurkalang (23). Ula Sylvester ula khur ruh iaka khusnam man of the match ha kane ka jingiakhun

Naka liang ka Khliehtyrsh  u Conard Sana bad Shaniah Ryngkhlem kila ioh ban khur mar ar wicket.

Ka Khliehtyrshi haba poi ka pali jong ka ban tied kala liem lut baroh 10 wicket hapoh 19.4 over. Ka Khliehtyrshi kala kamai tang 81 run. U Conrad Sana  ula kamai 56 run.

U Sanvert Kurkalang ula khyrwit 5 wicket bad Elizer.C Dkhar bad u Kitboklang Lyngdoh mar ar wicket.