Syllad

Syllad

The Rising Meghalaya

  • Home
  • Meghalaya
  • North East
  • National
  • Global
  • Sports
  • Covid_19
  • Opinion
  • Advertisement
  • Contact
  • About
  • Bom iap u paidbhur ia u I Love You bad 3 ki koidi ba phet na jail Jowai

    Syllad | The Rising MeghalayaSeptember 11, 2022

    WhatsApp
    Share
    Share
    Tweet
    Pin

    Shi khrui u paidbah kila bom iap iaki ki 4 ngut ki koidi kiba lait phet na Jowai District Jail ha ka thain Shangpung Thadmuthlong, West Jaintia Hills District haka Sngi U Blei

    Kane ka jjingjia ka jia haka por kumba 3 baje nohphaisngi.

    Kine ki paidbah na ki shnong ba marjan ka Shangpung Thadmuthlong kaba jngai kumba 20 KM na Jowai, hadien ba kila bna ba kine ki koidi ki shong rieh tngen ha kawei ka jaka khlaw ha Piah Dong marjan bad ka khlaw forest bad Shangpung College kila hiar ban wad paidbah ia kine ki koidi.

    Ka khubor ka iathuh ba ki paidbah kila bna ba koidi ki rieh tngen ha kane ka khlaw hadien ba uwei na ki koidi u thied ja ha katei ka thain na kawei ka dukan.

    Kumta u paidbah uba la ap shnong lypa naduh ba kine ki koidi kila lait phet na Jowai District Jail haka sngi Saitjain, namar ka jingher mynsiem ki paidbah khamtam ki kynthei khynnah ia u I Love You bad ka kynhun jong u kila mih khrui ban beh thong ia kine ki koidi najan ka surok ban poi sha ka shnong Shangpung sha ka khlaw Piah Dong markhap bad ka Thadmuhtlong bad ka Shangpung.

    U syllad.com u ba la hiar sha katei ka jaka haka prem miet jong ka 11 tarik Nailur la lap ba ki paidbah na kylleng kila tur ban peit ia kine ki koidi kiba la shah bom iap.

    Ka khubor ka iathuh ba ha kane ka jingbeh thong ki paidbah ia kine ki koidi ki don san ngut, katba uwei ula lait phet. Une uba lait phet ki paidbah kila iathuh bad u dei u Ramesh Dkhar, u ba na Tongseng u ba la shah kynnoh donkti ban pyniap ia ki ar ngut ki nongniah kali, katta u Damehipaia Papeng bad u Fullmoon Kharsahnoh kaba la jia ha u bnai Nailar jong une u snem.

    Katba I Love You Talang, Lodestar Tang, u Marsanki Tariang bad u Shidor Dkhar kila khlad noh na kane ka jingjia shah bom ha u paid bhur. Uwei pat u koidi ba lait phet lang na phatok bad kane ka kynhun I Love You, u Rikmenlang Lamare um don satia ha kane ka jingjia.

    Ki Pulit kila hiar sha kane ka jaka, hynrei kim lah eiei ban tem ne khang lad ia u paidbah ban bom ia kine ki koidi ha Piahdong.

    Ki heh pulit ka district kila hiar sha katei ka jaka ban tohkit bad ban pyndep iaka jingdonkam ka ain ha ryngkat ka jingdon u magistor.

    Google News Button syllad

    Continue Reading

    Syllad | The Rising Meghalaya

    Syllad is a fully digital news portal from Meghalaya. With tagline “Syllad-The Rising Meghalaya” Syllad brings voices of Meghalaya to the rest of the world.

    Leave a Reply Cancel reply

    Your email address will not be published. Required fields are marked *

    STAY CONNECTED

         Facebook

       Instagram

       Youtube

       Twitter

    SITE LINKS

    • About
    • Advertise with us
    • Hiring Freelance Writers
    • Contact us
    • Privacy Policy
    • Grievance Redressal
    • Refund policy
    • Terms and Conditions
    • Advertisement

    © 2019 Syllad

    Powered By AbodeOrigin | Marketing Wire
    Empanelled With Directorate of Information & Public Relations
    Government of Meghalaya