Bijai ei ki mat ïakren ba thmu wanrah ki MDC BJP ïaka iap ka im ka JHADC

Syllad | The Rising MeghalayaNovember 28, 2019

JOWAI: Ki Motion ne ki mat ïakren kiba la thmu ban wanrah da ki MDC ka liang pyrshah khamtam ka Bharatiya Janata Party (BJP) kila kylla lehnohei hadien bala pynkut noh ïaka Dorbar Tlang tang hapoh shi minit da u ma Ailad Bhoi Deputy Chairman jong ka Jaiñtia Hills Autonomous District Council (JHADC) haka sngi Palei.

Kane ka dei dorbar kadei kaba la khot da u Chairman haka 28-29 tarik u Naiwieng.

Kane ka Dorbar kala kut noh hapoh shi minit dei naka daw ba u Deputy Chairman u ma Ailad Bhoi ula ong hapoh ka ïing dorbar “I am confused” ne “Nga Klumar” ïaka hukum jong ka Meghalaya High Court kaba bthah ïa u ban pynïaid ïaka dorbar kaba la khot da u Chairman ka Konsil.

Also Read: U Ma Finelyness un long tang kum u MDC, um lah ban treikam kum u Chairman

Kane ka hukum jong ka Meghalaya High Court ïa u Deputy Chairman ban pynïaid ïaka Dorbar kadei namar ba dang ïaid ka Mukotduma pyrshah ïaka jingjied Chairman thymmai ka konsil kaba long ha ka 9 tarik u Nailur, kaba u MDC ka liang pyrshah u Awhai Andrew Shullai ula ujor syndon da ka Mukotduma bad kynnoh ba ïaid lait ïaka kyndon aiñ treikam ka JHADC.

Hadien bala pynkut ïaka dorbar, ki MDC jong ka liang synshar kila pynpaw ka jingbynñiaw kaba khraw namar baroh ki mat ïakren kiba kila thmu ban rah hapoh ïing dorbar ban ïakren halor ka iap ka im ka konsil kila sepei.

Also Read: Shikhung ki motion wanrah ka BJP kynthup ïaka thungkam beaiñ haka Dorbar Tlang JHADC

Ki don haduh 7 tylli ki motion bad ki har rukom ki jingkylli bala buh da ki MDC ka BJP ba kynthup ïa u ma Lakhon Biam, J Treilang Suchiang, Krison Langstang bad u Dawan Lyngdoh.

Kine ki motion ki kynthup ïaka hiran ka ioh ka kot ka konsil bad ki projek sahteng ka konsil.

U Ma Lakhon Biam ula buh jingkylli bad kynthoh “Kumno u Deputy Chairman u Klumar ïaka hukum jong ka High Court Meghalaya ha kaba kala kdew shai ba u dei ban pynïaid ïaka dorbar khnang ba kan nym thud.”

Also Read: Nga klumar ïaka hukum jong ka Meghalaya High Court bad ngan‘Prorogue’ ïaka Dorbar Tlang: Ailad Bhoi

“Kane ka paw shai ba u Deputy Chairman um dei uta u briew u ba shemphang bad kum u Deputy Chairman u klumar jingmut ï aka hukum ka ïingbishar, u dei ban hiar noh n aka shuki kaba u bat,” La ong u ki MDC ka liang pyrshah haba kren bad ki nongthoh khubor.