Baroh 112 ki kyrtong ki biang kot biang sla ban ïakhun elekshon JHADC

Syllad | The Rising MeghalayaFebruary 8, 2019

JOWAI: Baroh 112 ngut ki kyrtong ban ïakhun ïaka MDC elekshon sha ka ïing dorbar thawaiñ ka JHADC kaban long haka 27 Rymphang ki biang ki kot ki sla.

Ka jingbishar ïaki kot ki sla kalong hadien ka 3PM ka por ba khatduh ban thep kyrteng ki kyrtong.

Na ki 20 tylli ki constituency kiba hap ha West Jaiñtia Hills District kynthup ïaka War Jaiñtia ka don 7 ngut ki kyrtong ba thep kyrteng na ki Lai Constituency(ka War East, War West bad ka War Central), baroh ki kyrtong ki don 72 ngut.

Na East Jaiñtia 9 Constituency, 40 ngut ki kyrtong. Ha ka sngi ba khatduh jong ka jingthep kyrteng ki don sa hynriew ngut kiba thep kyrteng kiba kynthup ïa u Tnebha Phawa (Independent), Dabisharbha. H. Rymbai (Independent) na  Musniang-Rangad, Nangpoi Paslein (Independent), Krishna Dkhar (Independent) bad u Begin L S Paslein (NPP) na Sumer bad Nimos Pala (NPP) na Sutnga.