Ban pynneh nam ia u kpa u ma Sniawbhalang Dhar, da ka knock out football tournament yn sdang ka WJDSA

Syllad | The Rising MeghalayaJuly 19, 2023

Ban pynneh iaka nam u kpa jong u Deputy Chief Minister ka Jylla u ma Sniawbhalang Dhar, ka West Jaintia District Sports Association (WJDSA) kala pynbna ban kan sdang da ka (L) Kesilroy Pala Invitation Football Knock Out Tournament 2023.

U Hony General Secretary ka WJDSA ula pyntip ba ha kane ka tournament ki team ki lah ban thep haduh 25 ngut ki player bad kine kin neh haduh ba kut ka tournament.

Ula pyntip baka bai rung ka long T.5000 bad ka khusnam kalong T. 5 lak iaka lahduh bad T.2 lak iaka lahduh ba ar bad ki trophy.

Ai sngewbha dap 50 snem u ma Sniawbhalang Dhar T. 25 klur iaka WJDSA

Ha kane ka tournament baroh 8 tylli ki kynhun ialehkai haka Super Division, Dorbar Chnong, Football Club, Academy, kiba iasoh bad ka WJDSA ki lah ban iashimbynta.

Nalor kata ki District Sports Association, Sub Division Block Sports Association kiba na Rilum Jaintia bad kiba la iohrung haka MSL na Jaintia Hills ruh ki lah ban shimbynta.

Ka tarik ban pynpoi iaki entry ka long haka 5 tarik Nailar (August) bad pynpoi ha u Hony.  General Secretary WJDSA. Baroh ki team kin long tang 32 tylli bad ki dei kiba wan shuwa.

Kino kino kina donkam ban ioh jingtip ba bniah phone ha kine ki number 9485432298 | 9612402753.