Ban pynmih pisa iaka Narwan Thwai Salong LP School, da ka Thar pynkhalai lucky draw

Syllad | The Rising MeghalayaJanuary 31, 2024

Ka Narwan Thwai Salong L.P School haka 31 tarik Kyllalyngkot, ka la ioh ban pyllait paidbah ia ka Lucky draw jong ka, ka ban sa pynkhalai ha ka 28 tarik u bnai Rymphang (February) na ka bynta ban pynmih pisa (fund) ia ka Thwai Salong L.P School.

Ia kane ka Lucky draw la pyllait paidbah da u ma Tneibha Phawa, Secretary East Jaintia District Cricket Association (EJDCA), ha ka jingdonlang u ma Harlington Shadap, waheh shnong barim ka Narwan, u ma Leo Shadap Secretary Shnong Narwan, u ma Rimon Langstang Secretary Dong Thwai Salong bad kumjuh u ma Sham Shadapuba long u Rangbah Dong Thwai Salong.

U ma Tneibha Phawa haba kren u la kyrpad ia ki paidbah ban iarap thied ia ki ticket Lucky Draw kum ka jingkyrshan ia ka Narwan Thwai Salong L.P School na ka bynta ban pynbha pynmiat ia kane ka skul. Ula kitbok kitrwiang ruh ia ki nongkitkam ka Narwan Thwai Salong ba kin danglah ban pyniaid ia kane ka skul shakhmat na ka bynta ka jingmyntoi ki ki hep rit kiba dei ki lawei jong ka shnong ka thaw.

U Symbud Kongsan u ma Harlington Shadap waheh shnong barim, u la kyrpad ia ki paitbah ban iarap thied ia kane ka Lucky Draw kum ka jingnoh synniang na ka bynta ban pynbha pynmiat ia kane ka iing skul.

U Ma Rimon Langstang Secretary Dong Thwai Salong, ula iathuh ba kan don ruh ka iew fete haka 27 bad 28 tarik Rymphang bad haka por mynmiet yn pynkhlai iaka Lucky Draw, kata 28 Rymphang 2024.

Ki Prize jong ki Lucky draw ki long kumne:
1st Prize Mahinda Thar
2nd Prize Rs. 1,00,000/-
3rd Prize Rs. 50,000/-

Ia kane ka Lucky draw yn pynkhalai ha ka 28th February 2024 ha Madan Football Thwai Salong Narwan.