Ban pynlong ïaki skul bad ki shnong ki thaw kiba khuid, bteng ka Chilliangraij ban hikai halor ka Swachh Bharat

Syllad | The Rising MeghalayaApril 6, 2019

JOWAI: Ka Chilliangraij UP School, SSA Jowai ban pynsngewthuh paidbah ïaka jingkordor ka khuid ka suba haka skul kumjuh haki shnong ka thaw kala pynlong ïaka jingai jinghikai halor ka jingkhuid jingsuba kaba ka phang pdeng kalong “Make Swachh Bharat Mission a Reality”.

Ïa kane ka jingai jinghikai la pynlong haka sngi Thohdieng ha ïing skul jong ka Chilliangraij UPS SSA ryngkat ka jingïatreilang bad ka School Managing Committee.

Ka jingthmu ba pynlong ïa kane ka jingai jinghikai ka long ban pynsaphriang ïaka jinglong kongsan ka khuid ka suba katkum ka thong jong ka Swachh Bharat-Swachh Vidyalaya kaba buh ka thong ban pynlong ïak ri India kaba khuid ba suba ha une snem haka jingrakhe ïaka sngi kha ba 150 snem U Kpa jong ka Ri.

Ka Kong Wyrda Lanong, Asst. Teacher kala pynïaid ïaka prokram ai jinghikai.  La ioh ka jinghikai halor ka jingthmu ka Swachh Bharat Mission na ka kong H Iakai, Head Teacher Chilliangraij UPS SSA bad ruh na u ma O Shylla, Member School Managing Committee.

U Ma SD Laloo, Community Mobilizer, SSA West Jaintia Hills District uwei na ki riewshemphang ula ïathuh ïaki thong jong ka Swachh Bharat – Swachh Vidyalaya ha skul bad ha ki shnong ki thaw.

Ula ong ba ki khynnah skul ki dei ki lawei jong ka Ri bad lyngba kane ka mission ki leit ha manla ki skul ban pynsngewthuh ïa u/ka khynnah halor ka jingkongsan ka khuid ka suba ban lait na ki jingpang bad ki jingeh ba har rukom.

La hikai ïaki khynnah ha man la ki skul ba kin long ki nongrah khubor ban pynsngewthuh ïaki nongshong shnong naduh ki khynnah haduh ki rangbah ban long kiba lehkhuid ha iing hasem kumjuh shabar.

“Ba ngin poi sha ka thong, ngi donkam ban iatreilang naduh khynnah skul, nonghikai bad ki bor shnong khnang ba ka jingangnud ka ri ha kane ka mission ban wanrah ka khuid ka suba kan urlong”, la ong u Ma Laloo.