Ban jur u Conrad ban deng mask ha ki iew ki hat & jaka paidbah haba kren iaki DC

Syllad | The Rising MeghalayaApril 4, 2020

3 lakh tylli ki Double-layered Reusable cotton masks yn pynmih hapoh 10 tarik u Iaiong

U Conrad K Sangma, Myntri Rangbah ka Jylla Meghalaya ula iakren video conference bad ki Deputy Commissioner jong baroh ki District haka Jylla mynta ka sngi ban khmih bniah halor ka jingpynkhreh jong ki district bapher bapher ban ïada iaki nongshong shnong na u khlam jingpang COVID-19.

U Myntri Rangbah haka jingkren jong u iaki Deputy Commissioner ula ban jur ban pynshlur iaki nongshnong shnong baroh ban deng iaki mask bad ban pynthikna ban don ka jingkiar haki jaka bun briew Social Distancing ha ki iew ki hat ki jaka paidbah.

Haba phai sha Jowai, ka nongbah jong ka West Jaiñtia Hills District kiba bun kila ud ba ym ioh mask, wat ki ba bun ki pharmacy ruh kim ïoh mask ban die sha u paidbah.

U Myntri Rangbah u la ong kyntu ia baroh kim nonsghong shnong ban deng mask bad ban bud ryntih iaki jingbthah ban iada na u COVID-19 bad ban myllien ban sait kti, haba jyrhoh ruh kumjuh bad ban pynthikna ban don ka jingkiar ha ki jaka bun briew.

Da ka jingiatrelang bad ki SHG bad kynhun NGOs hapoh ka tnad Commerce & Industries, ka sorkar kan shna 3 lakh tylli ki Double-layered Reusable cotton masks hapoh 10 tarik u Iaiong bad yn bteng ban shna ban pynbiang iaki jingdonkam ka jylla.