Bam shngiam ka ding 2 tylli ki iing, mynsaw 1

Syllad | The Rising MeghalayaJune 20, 2020

Ka ding kaba la klang jur bha hynnin ka miet kala bam duh iaki ar tylli ki iing bad wanrah ka jingmynsaw ia uwei u briew ha ka shnong Tuberkmai Shnong, East Jaintia Hills District.

Kine ki iing ki dei jong ka Kong Daimonful Sana bad Beautiful Sana kiba dei shipara.

Haba iakren bad ki nongshong shnong ki la iathuh ba ka jingkem ding ka la jia haka por 12:00 baje shiteng synia bad ka la sdang shwa na ka iing jong ka Kong Daimonful Sana bad ka daw ka long na ka jingthut jong ka bording.

Ki nongshong shnong ki suba ruh ba kane ka jingpluh ka lah ban dei na ka jingthut ka bording lyngba Transformer ba sam ding ha katei ka shnong, uba don hajan kitei ki artylli ki iing.

Ka ding kaba la klang jur kala bam shngiam ia kine ki iing hadien ka jingbthei u tyndong shet jingshet jong ka Kong Beautiful Sana.

Ha kane ka jingjia pluh ding u Azawl Sana ula mynsaw bad la pynkit ia u sha Jowai Civil Hodpital, Ialong.

Baroh ar tylli kine ki iing kila julor phom bad ka jingjulor kala kot da ki lak.