Ba shah rem haka Mawtari 2-0, pulom noh jingiaid lynti ka 7 Wasa haka MSL

Syllad | The Rising MeghalayaNovember 1, 2024

Ka jingkyrmen jong ka 7 Wasa ban ioh rung sha ka quarterfinal ka la shah pynpulom hadien ka jingshah rem noh da 2-0 ha ka Mawtari Myrdon ha ka Group E jong ka lympung ialehkai Meghalaya State League 2024 kaba la long ha ka 31 tarik u Risaw ha Wahiajer Stadium.

Ha kane ka jingialehkai u Silbestar Kharbani u la ioh ban thep ia baroh ki artylli ki kol, kata ha ka minit kaba 54′ bad 70′ bad kaba la pynskhem syndon ia ka Mawtari Myrdon ba kan ioh khur ia ka jingjop.

Ka Mawtari Myrdon ka la jop ha ka jingiakhun kaba nyngkong pyrshah ia ka Seinbhalang Shkentalang da 3-1 ha kine ki lai sngi kiba la dep, katba ka 7 Wasa ka la shah pynrem noh haduh 9-0 ha ka Shillong Lajong FC ha ka jingialehkai sdang ia kane ka lympung MSL ha ka sngi Saitjain ba la lah.

Kane ka jingshah rem noh ka mut ba ka 7 Wasa kaba dei ka lahduh ha ka jingsdang pynlong ia ka lympung MSL kala kut syndon wat la jop ne rem haka jingialehkai kaba khatduh jong ka pyrshah iaka Seinbhalang Shkentalang.

Ki nongjop hapdeng ki hynriew tylli ki kynhun ha ki Group bad kiba wan ba ar kin ioh ban rung sha kawei pat ka Round jong kne ka lympung ialehkai phutbol.

Ka Shillong Lajong bad ka Mawtari kiba la ioh ban khur mar 6-point ki dei tang ma ki, ki ban iakhun ban iaknieh ia ka kyrdan kaba nyngkong bad ba ar ha ka Group E.

Ki jingiakhun haka 1 tarik Naiwieng ha ka por 2 baje mynsngi ki long: