Ai u Myntri Sports da ka jaka shong paidbah iaka shnong Raliang

Syllad | The Rising MeghalayaDecember 31, 2021

U Myntri ka tnad Sport and Youth Affairs Bah Banteidor Lyngdoh ula ai sngewbha snem thymmai da ka jaka shong paidbah (seating gallery) ryngkat bad ka tin sopïing (Rooftop Cover) haka madan ialehkai shnong Raliang.

Ia kane u myntri ula pynbna ha ka jingwan sakhi iaka final football 1st Open To All Knockoout Football Tournament kaba pyniaid da ka Sein pynbaitlang Sport Club (SPSC) ryngkat ka jingiatreilang jong ka dorbar chnong Raliang kaba la poi sha kaba kut haka 29 tarik une u bnai.

Ha kane ka final la iadonlang u MLA Raliang u ma Coming One Ymbon uba long kum u symbud kongsan, Romeo Suchiang president VDP Raliang nalor kiwei kiwei ki nongialam shnong.

Kane ka jingiakhun final ka dei kaba la iakhun hapdeng ka Raliang Wahshnong United SC pyrchah ia ka Lucky FC. Ka Raliang Wahshnong kala rah iaka nam lahduh lyngba ka tie breaker.

KA Raliang Wahchnong United SC kala ioh rah iaka song pisa T.50000/- bad ka Lucky SC kala rah iaka song pisa T.30000/-. Iaka Nam Best player da ioh da  u Tyrchainmi Biam (Wahchnong United SC), Best Goalkeeper da ioh da u Daemitre Dan (Lucky SC).