Ai sngewbha ki lai ngut shipara iaki tiar hyndai sha ka Museum ka Raij Raliang

Syllad | The Rising MeghalayaMay 29, 2023

Ki lai ngut shipara kiba kynthup ia u Ma Lambok Singh Lyngdoh, ka Kong Queenvida Lyngdoh bad ka Kong Daplinda Lyngdoh kiba shong ba sah ha Ladthadlaboh, Jowai kila ai sngewbha da ki tiar hyndai sha ka museum ka Raij Raliang kaba don ha Chrah Umphula haka sngi Nyngkong.

Ha kane ka juh ka sngi ka Kong  Idalana Lyngdoh ba na ka shnong Raliang ruh kala ai sngewbha uwei u khiew ban buh sah nam ha kane ka museum ban ioh pyni nam iaki tiar hyndai ba pyndonkam ki nong Jaintia.

Ka Seinraij Raliang kala pynpaw iaka jingsngewnguh ia kine ki saw ngut kiba la ai sngewbha ia kine ki tiar ban ioh tyngkai bad pyni nam haba don ki prokram bapher bapher hapoh shnong poh thaw.

Kine ki tiar kiba la ai da kitei ki lai ngut shipar ki dei  u sum (Cher behkpong) ,ka wait ialeh thma, u ketli bad bala shna da ki nar ba saiñ ka ri England.

Ia kine ki tiar la aiti haka jingialang kaba lyngkot kaba pyniaid da President Seiñraij u ma Binroy Dkhar, haka jingiadonlang u Dolloi Elaka Raliang u am Chawas Lyngdoh, Dr M Tyngkan, u Rideiwa Dkhar general secretary u Ma Hamjhan H Dkhar