Ai khublei u CM ia ki arngut ki MP bathymmai, pdiang ia ka jingshah rem

Syllad | The Rising MeghalayaJune 4, 2024

U President jong ka Seng National People’s Party (NPP) uba dei ruh u Myntri Rangbah ka Jylla u Conrad K Sangma haka sngi ba Ar u la phah ia ka jingai khublei ia ki arngut ki kyrtong kiba la  shah jied thymmai ha kane ka Lok Sabha Ilekshon, kata ia u Dr. Ricky Syngkong na ka Seng Voice of the People Party (VPP) napoh Shillong Seat bad ia u Saleng A Sangma ka seng Indian National Congress (INC) napoh Tura.

Haba pynpaw lyngba ka rynsan social media X, u Sangma u la ong, “Ngi pdiang halor kane ka jingshah rem bad burom ia ka rai jong u paidbah bad ngi kitbok kitrwiang na ka bynta u Saleng A Sangma bad ia u Bah Ricky Andrew J Synkong.”

U Ricky AJ Syngkon na ka Seng VPP u pynrem noh ia u MP ba lai samoi kynthih ka Seng Congress napoh Shillong u Bah Vincent H Pala da kaba tam palat 3,70,000 vote, katba u Saleng A Sangma na ka seng Congress u la pynliem noh ia ka kyrtong ka NPP kaba dei ruh ka para jong u Myntri Rangbah ka Jylla ka Agatha A Sangma da palat 1,50,000 vote.