Ai khublei Behdienkhlam ka Seiñ Kyntu Seiñ Raij 12-Daloi

Syllad | The Rising MeghalayaJuly 8, 2021

Ka Seiñ Kyntu Seiñ Raij 12- Daloi ka ai khublei bad kitbok kitrwiang Behdieñkhlam ba suk ba kmen ia ki khun ka Seiñraij Jowai kiba shong ba sah kylleng ka bri u Hynniewtrep Hynniew skum.

Kane ka Behdieñkhlam ka Seinraij Jowai kan sdang naduh 8 tarik bad kan kut haduh 11 tarik une u bna Naitung 2021.

“To ai ba kane ka jingleh Niam iaka Behdieñkhlam ki khun ki hajar ka Seiñraij Jowai kan long kaba phuh ba phieng bad kaba jop khnang ba kin ioh ia ka jingkoit jing khiah bad ban bha ka kamai ka kajih bad ka pule ka puthi bad lyngba kane ka jingleh niam kaba shisien shi snem kumba ju leh ki long shuwa ki  manshuwa ba ha kane ka kynti ruh lyngba kane ka jingleh Niam ba ngin beh shi syndon ia kane ka jingpang Khlam Covid-19 na kane ka Ri bad ka jylla ba kyntang jong ngi.” 

Ka Seiñ Kyntu Seiñ Raij 12-Daloi ka kyrpad ia baroh ki khun ka Seiñraij Jowai ba kin long kiba im Tip Briew Im Tip Blei khnang ba kane ka jing pyndep ia ka jingleh Niam Behdieñkhlam hapoh kine ki 4 sngi 3 iaw kan long kiba jop bad phuh bad phieng.

Kane ka long katkum ka jing pynllait khubor u Rgh, Standbyme Sari Publicity Secretary ka Seiñ Kyntu Seiñ Rai 12-Daloi.