Ai jinghikai ka JHDS halor ka jingma u drok bad kiwei ki jingdih buaid ha Tpep Pale Secondary School

Syllad | The Rising MeghalayaMay 9, 2023

Ka Jaintia Hills Development Society (JHDS) ha ryngkat ka jingiatreilang bad ka Ophis jong ka District Social Welfare Officer ka West Jaintia Hills haka sngi Nyngkong kila pynlong ia iaka jingai jinghikai halor ka jingsniew bad jingma u drok bad kiwei ki jingdih pynbuaid ha Tpep Pale Secondary School, Jowai.

Ka kong J Synnah, District Social Welfare Officer, kala iathuh ruh iaka jingsdang ka Nasha Mukt Bharat Abhiyan ne ka campaign bad ki jingthmu ban pynlong iaka India kaba lait na u drok bad ki jingdih pynbuaid. Ka kong Synnah haba kren shuh shuh ba na ki 272 tylli ki District ha baroh kawei ka Ri India kiba la niew ba kidei ka District kiba jyllei ka jingdih drugs, ka district West Jaintia Hills ruh ka dei kawei na kita ki District.

Ka sorkar kala pyrshang ban rat dyngkhong ia ka jingsniew ka jingdih pynbuiad ia u drok bad kiwei kiwei lyngba ki skim bapher bapher bad ka Nasha Mukt Bharat Abhiyan ka dei kawei ka thong kaba ka Sorkar India ka la ialeh katba lah ban pynduhjait ia kane ka jingmlien ba sniew, la ong ka Kong Synnah.

La ioh ruh iaka jinghikai ba bniah na u Terence Sawian halor ka jingsniew u drok bad ki jingdih pynbuaid.

Ban ktik iaka jingmut jingpyrkhat ki khynnah la pynlong ruh iaka jinglehkai drama lyngkot kaba shimbynta da ki khynnah skul jong ka Tpep-pale Secondary School Jowai.

Shuwa kane kala don ka jingiaid rally kaba la sdang naTpep-pale, Dulong, Iongpiah, Pohskur bad pynkut hapoh phyllaw jong kane ka Skul.