Ai jinghikai ban rep riang bun jait haka shnong Puriang

Syllad | The Rising MeghalayaMarch 21, 2023

Ka Society for Urban & Rural Empowerment (SURE) Jowai, ka la pynlong iaka jingai jinghikai halor ka Integrated farming ne ka jingrep jingriang ba bunjait kynthup ka kam ri jingri haka shnong Puriang, East Khasi Hills District.

Ia kane ka jingai jinghikai la pynlong haka sngi Palei, ka taiew kaba la dep. Ia kane ka Programme la kyrshan da ka sorkar Meghalaya hapoh jong ka Voluntary Action Fund 2016-17 kaba hap haka District Planning Office East Khasi Hills District.

Shwa ban sdang ia ka training, la don ka jingialang kaba lyngkot kaba la pyniaid ia ka training da ka nongialam VO ka shnong Puriang ka kong K Hamtilang Mylliemngap.

U Habandajop Lyngdoh, Trainer jong ka SURE ula ai jinghikai halor ka jingrep Integrated farming- ka jingrep jingriang kaba bun jait bad ban ri iaki jingri kiba la lah ban pynmih iaki sboh bad ban pynbun iaka jingpynmih iaki mar rep bad ki jingri jingdup. Ula ai ka jinghikai bniah halor ka jingshna sboh Vermi (sboh wieh) bad Berkeley (ka sboh na ki phlang ki rnem, ki jhur pyut nalor ki jingthung ba pyut) khlem da pyndonkam iaka dawai khniang.