Ai jait Dkhar u bar jylla ha East Jaintia Hills

Syllad | The Rising MeghalayaJanuary 10, 2022

Ka Sein Kur Dkhar kala ujor pyrshah ia u wei u bar jylla ba ai jait sha ka Kur Dkhar ha u incharge Deputy Commissioner, East Jaintia Hills District haka sngi Nyngkong.

Ka Sein Kur Dkhar kala kynnoh ba une u bar jylla uba kyrteng u Seila Dkhar uba shong basah trei bylla ha Rangad, East Jaintia Hills ula ioh ruh wat iaka EPIC.

Ki nongialam ka Sein Kur Dkhar East Jaintia Hills haka jingialam u Shaniahskhem Dkhar bad kiwei kiwei ki dkhot ka kur kila ai da ka jingujor sha u Incharge DC ka East Jaintia dawa ban pyndam iaka EPIC une u bar jylla.

Ka Kur Dkhar kala pynpaw ruh iaka jinglyngngoh halor ka jingai jait une u bar jylla sha ka kur Dkhar  bad kala pynrem jur ia ki briew kiba donkti ban iarap ban pynkylla jait. Ka Kur Dkhar kala pynrem ruh ia u waheh shnong jong ka shnong Rangad uba ai jingbit ia u ban apply Epic card ha ka kyrteng jong ka shnong.