91.87 percent kiba wan thep vote ha Sohiong

Syllad | The Rising MeghalayaMay 10, 2023

Ka jingthep vote ki paidbah haka Sohiong Assembly Constituency haka sngi Balang kala long kaba iaid beit iaid ryntih bad haduh ka por 6 baje ka jingwan ki nongthep vote ka long 91.87 percent.

U Chief Electoral Officer ka Jylla u Bah Frederick Roy Kharkongor ula ong ba ka jingwan thep vote ki paidbah ha Sohiong Assembly Constituency kala kot haduh 91.87 percent haduh ka 6 baje janmiet.

Kane ka jingwan jong ki nongthep vote ka kham heh ban ia ka elekshon ha u snem 2018 ha Sohiong kaba long 90.46 percent.

Ia ka elekshon ha Sohiong la hap ban pynsangeh noh shipor hadien ba u kyrtong ka UDP u bah HDR Lyngdoh u la khlad kynsan shwa ban poi ka sngi thep vote.

Shuh shuh haka sngi thep vote, ka tnad Excise ka jylla ka la ioh kurup kyiad phareng (IMFL) 1450 litre kaba shong dor sha ka 4 lak tyngka eiei katba kam shym la don kano kano ka jingioh kurup pisa ne ka jingjia.