61 tylli ki masi dab ïoh kurup ki shipai BSF ba shongdor T.13 lak

Syllad | The Rising MeghalayaMarch 17, 2019

JOWAI: Ki shipai ïada khappud India Bangladesh- ki Border Security Force (BSF) jong ka Hawaitilla bad ka Jaliakhola BOP kila ïoh kurup haduh 61 tylli masi dab ba shongdor duna T.13 lak ba thmu ban khaïi tuh sha Bangladesh lyngba kitei ki shnong, kiba don ha khappud India-Bangladesh.

Ki shipai BSF kila ïoh kurup ïa kine 61 tylli ki masi dab tang haki 3 sngi. Haka 12 tarik Lber ki shipai BSF kila ïoh kurup 32 tylli ki masi dab kiba shong T. 6,84,800/- na Jaliakhola. Haka 15 tarik Lber la ioh kurup 3 tylli ki Masi ba shongdor T.64,200/- na Hawaitilla BOP. Haka 17 tarik Lber la ïoh kurup biang sa 26 tylli ki masi  na Hawaitilla BOP kiba shongdor T.5,45,600/-.

La ioh kurup ia kine ki masi haka por mynmiet bad shiteng synia bad ki shipai kim shym la ïohkem ïano iano ruh kiba donkti ban shalan tuh ia kine ki masi namar ka jingrben ka khlaw bad ka jingdum.

Ki shipai kila aiti iaki masi sha ki pulit bad ujor ruh ïaka ejahar. La iathuh baka ki masi kila tlot naka jingshah sympat lathi bad jingbym biang ka bam.

Ki Shipai kila ujor ka ejahar ha Muktapur Police Patrol Post ha kaba kila dep ban register case katkum ka kyndon aiñ ba lehbeiñ iaki mrad mreng.