5 iabit thymmai iaka jingpang COVID-19, khlad 1

Syllad | The Rising MeghalayaDecember 20, 2021

Haka sngi Nyngkong 5 ngut ki briew kila iabit thymmai iaka jingpang khlam COVID-19, iwei i ba khlad bad da kane ka jingdon jong ki briew kiba iap pang COVID-19 kala kynjoh sha 1479 ngut ha Jylla.

Ine iba khlad i dei na East Khasi Hills District.

Katkum ka jingpyntip ka tnad ka Koit ka Khiah, 5 ngut ki briew kiba ïabit thymmai ïa kane ka jingpangkhlam bad kiba dang shitom ne ki active case ka long 94 ngut hapoh ka Jylla.

Ki briew kiba iabit thymmai iaka jingpang khlam ki kynthup na EGH: 1, EKH: 3 bad WGH: 1.

Ki nongpang kiba la ioh pat iaka jingkoit ki don haduh 23 ngut. Kine ki kynthup na EKH: 16, EGH: 3 bad WGH: 4.

Ka jingdon jong ki briew bala ïabit ïa kane ka jingpang khlam ha Jylla baroh ka long 84757 ngut bad napdeng kine 83184 ngut kila ïoh ïa ka jingkoit bad 1479 ngut kiba ïap nalor ki briew ba dang shitom.

Ha East Khasi Hills kiba dang shitom ki don 70 ngut, East Garo Hills 6, Ri Bhoi 7, West Garo Hills 5, mar 2 ha West Jaintia Hills bad West Khasi Hills bad mar iwei ba shitom ha East Jaintia Hills bad South West Khasi Hills.