4 tylli ki takma khur ki nongialehkai ka jylla haka East Zone Athletics C’ship ha Bhubaneswar

Syllad | The Rising MeghalayaOctober 9, 2024

Ki rang bad ki thei ialehkai athletic ka jylla kila khur 4 tylli ki takma kynthup iaka 1 takma ksiar, 2 rupa bad 1 takma rnong haka 35th East Zone Junior Athletics Championship Bhubaneswar, Odisha, kaba la long ha ki lai sngi katta naduh ka 7 haduh ka 9 tarik mynta u bnai.

Ha kane ka jingiashim bynta, ka kynhun ki samla shynrang ka jylla ki la ioh ba kin khur ia ka takma ksiar ha ka iakob mareh jong ka Mixed Relay, hadien ba ki la lah ba kin pyndep ia ka thong ha ka: 3:48.45 minutes.

Ha kane ka kynti, ia ka jylla mih khmat da u Donbok Shabong, Renaldi Dhar, Bethylene G. Makri, Damika R. Lyngdoh.

Hadien kane, u Rikangku D. Sangma u la ioh ban khur ia ka takma Rupa ha ka kyrdan iakhun jong ka Kids Javelin U-14 ki shynrang hadien ba u la lah ban kawang ia ka jingjngai kaba long 52.35 meters.

Katba ka Anrisha Klein ka la ioh ba kan khur ia ka takma Rupa jong ka High Jump ki U-20 ki kynthei hadien ba ka la lah ba kan kynthih 1.53 Meters, katba ka Rinalis Ingti ka la ioh ba kan khur ia ka takma Rnong hadien ba ka la lah ba kan kynthih 1.50 Meters.