3 klur tam mang ka JHADC ban pynlang um, ri dohkha, kyntiew iaka riti dustur bad kolshor

Syllad | The Rising MeghalayaMarch 9, 2023

Ka Executive Committee kaba ialam da u ma Thombor Shiwat ka la buh iaka mang tyngka kaba 3 klur tam ban pynbha iaka jaka pynlang um ne minor irrigation, ri dohkha bad ban pynneh pynsah iaka riti ka dustor bad ka kolshor.

Ia kane u CEM ula ong haba wanrah iaka mang tyngka haka sngi Balang ha iing dorbar ka konsil. U CEM ula wanrah iaka mang tyngka kaba duna haduh 30 klur ula ba mynta u snem 2023-2024. Ka konsil kala mang ban ioh lum pisa ne Estimates Receipt kaba T. 174,59,38,400/- (Shispah Hynniew Phew Saw klur San phew khyndai lakhlai phew phra hajar saw spah. Ka mang ban pynlut ne ka Estimate Expenditures pat kalong 205,19,52,500 (Ar Spah San Klur Khat Khyndai Lakh San Phew Ar Hajar San Spah).

U Ma Thombor ula ong ba nalor ki jingpyntrei ka CWD iaki kam pynroi, ka Executive Committee kala mang 1 klur na ka bynta ban pynlang um ne Minor Irrigation Project, T. 1 klur na ka bynta ban pynbha Fisheries bad Fish Sanctuary.

Ha kaba iadei bad ka jingriewspah ka riti ka dustur, kolsor ha ryngkat ka jingitynnad ka mei mariang, u ma Thombor ula ong ba ka Executive Committee kan pynleit jingmut ban kyntiew iaka kam Tourism haka District ban kyntiew iaka ioh ka kot u paidbah. Kumta ha kane ka mang tyngka jong une snem la mang haduh T.1.75 klur lyngba ka Art and Culture Department.