3 iabit thymmai iaka jingpang COVID-19, 60 ngut kiba dang shitom

Syllad | The Rising MeghalayaDecember 28, 2021

Haka sngi ba Ar 3 ngut ki briew kila iabit thymmai iaka jingpang khlam COVID-19 bad da kane ka jingdon jong ki briew kiba dang shitom ne active case baroh kalong 60 ngut ha Jylla.

Katkum ka jingpyntip ka tnad ka Koit ka Khiah, 3 ngut ki briew kiba ïabit thymmai ïa kane ka jingpangkhlam ki dei mar iwei na East Khasi Hills, Ri Bhoi bad West Garo Hills.

Ki nongpang kiba la ioh pat iaka jingkoit ki don 2 ngut. Kine ki kynthup mar iwei na East Khasi Hills bad East Garo Hills.

Ka jingdon jong ki briew bala ïabit ïa kane ka jingpang khlam ha Jylla baroh ka long 84802 ngut bad napdeng kine 83259 ngut kila ïoh ïa ka jingkoit bad 1483 ngut kiba ïap nalor ki briew ba dang shitom.

Ka East Khasi Hills kadon 44 ngut kiba dang shitom, East Jaintia Hills 3, Ri Bhoi 4, West Garo Hills 7, East Garo Hills 1 bad North Garo Hills 1.