262 iabit thymmai iaka jingpang COVID-19, khlad 2 ngut

Syllad | The Rising MeghalayaAugust 27, 2021

262 ngut ki briew kiba iabit thymmai iaka jingpang khlam COVID-19, 2 ngut ki briew kila khlad bad da kane ka jingiap pang khlam kala kynjoh sha 1296  haka jylla haka sngi Thohdieng.

Kine kiba la khlad 2 ngut ki dei na East Khasi Hills District bad West Garo Hills District.

Kat kum ka jingpyntip ka Tnad ka Koit ka Khiah, 262 ngut ki briew kila ïabit thymmai ïa kane ka jingpangkhlam bad kiba dang shitom ne ki active case ka long 2663 ngut hapoh ka Jylla.

Ki briew kiba iabit thymmai iaka jingpang khlam ki kynthup na EGH: 3, EJH: 3, EKH: 162, RBD: 32, SGH: 1, SWGH: 1, SWKH: 8, WGH: 14, WJH: 26 bad WKH: 12.

Ki nongpang kiba la ioh pat iaka jingkoit ki don haduh 279 ngut. Kine ki kynthup na EGH: 4, EJH: 13, EKH: 149, NGH: 1, RBD: 11, SGH: 2, SWGH: 8, SWKH: 1, WGH: 32, WJH: 36 bad WKH: 22.

Ka jingdon jong ki briew bala ïabit ïa kane ka jingpang khlam ha Jylla baroh ka long 75079 ngut bad napdeng kine 71120 ngut kila ïoh ïa ka jingkoit bad 1296 ngut kiba ïap nalor ki briew ba dang shitom.