20 tarik Naiwieng yn sdang ka Open Volleyball Tournament u DSO Jowai

Syllad | The Rising MeghalayaNovember 19, 2023

Ka jingialehkai Open Volley Ball Tournament 2023 kaba pyniaid da u District Sports Officer West Jaintia Hills kan sdang haka 20 tarik Naiwieng ha madan ialehkai ka Lion Mission Compound, Pohskur.

Kane ka jingialehkai kaba lai sngi lynter, la wan iashimbynta da ki 8 tylli ki kynhun ialehkai kiba kynthup haka Pool A- ka Spikers, Lion Mission Compound Dorbar Shnong, Chullai Brothers Chutwakhu bad Madankynsaw Mookyndeng Knorsyiem.

Na ka Pool-B ki kynthup iaka Kiang Nangbah Govt. College, Khimusniang, Lion Sports & Youth Affairs bad Iakrehlang SC Nangbah.

Haka 20 tarik ka jingiakhun kan long hapdeng ka Spikers pyrshah iaka Lion Mission Compound Dorbar Shnong haka por 12.00 baje mynsngi. Ka Chullai Brothers Chutwakhu pyrshah iaka Madankynsaw Mookyndeng Knorsyiem haka por 12.45 baje mynsngi.

Ka Kiang Nangbah Govt. College pyrshah iaka Khimusniang haka por 1.30 baje nohphai sngi. Ka Lion Sports & Youth Affairs pyrshah iaka Iakrehlang SC Nangbah haka por 2.15 baje nohphai sngi.

Ka Lion Mission Compound Dorbar Shnong pyrshah iaka Madankynsaw Mookyndeng Knorsyiem haka por 3.00 baje nohphai sngi. Ka Chullai Brothers Chutwakhu pyrshah iaka Spikers haka por 3.45 baje nohphai sngi.