2 iabit thymmai iaka jingpang COVID-19, kiba koit 9 khlad 1

Syllad | The Rising MeghalayaDecember 29, 2021

Haka sngi Balang 2 ngut ki briew kila iabit thymmai iaka jingpang khlam COVID-19, kiba ioh iaka jingkoit ki don 9 ngut bad khlad iwei ha Jylla.

Ine iba khlad iwei I dei na East Khasi Hills District.

Katkum ka jingpyntip ka tnad ka Koit ka Khiah, 2 ngut ki briew kiba ïabit thymmai ïa kane ka jingpangkhlam bad kiba dang shitom ne ki active case ka long 52 ngut hapoh ka Jylla. Kine kiba iabit thymmai ki dei na East Khasi Hills District.

Ki nongpang kiba la ioh pat iaka jingkoit ki don 9 ngut bad baroh ki dei na East Khasi Hills District.

Ka jingdon jong ki briew bala ïabit ïa kane ka jingpang khlam ha Jylla baroh ka long 84804 ngut bad napdeng kine 83268 ngut kila ïoh ïa ka jingkoit bad 1484 ngut kiba ïap nalor ki briew ba dang shitom.

Ka East Khasi Hills kadon 36 ngut kiba dang shitom, East Jaintia Hills 3, Ri Bhoi 4, West Garo Hills 7, North Garo Hills 1 bad East Garo Hills 1.