2 iabit thymmai iaka jingpang COVID-19 kiba dang shitom 73

Syllad | The Rising MeghalayaJanuary 3, 2022

Haka sngi Nyngkong 2 ngut ki briew kila iabit thymmai iaka jingpang khlam COVID-19 bad da kane ka jingdon ki briew kiba dang shitom ne active case ka long 73 ngut hapoh Jylla.

Katkum ka jingpyntip ka tnad ka Koit ka Khiah, kine ki 2 ngut ki briew kiba ïabit thymmai ïa kane ka jingpangkhlam ki dei na East Jaintia Hills bad East Khasi Hills.

Ki nongpang kiba la ioh pat iaka jingkoit ki don haduh 4 ngut bad kine ki dei tang na East Khasi Hills.

Ka jingdon jong ki briew bala ïabit ïa kane ka jingpang khlam ha Jylla baroh ka long 84849 ngut bad napdeng kine 83292 ngut kila ïoh ïa ka jingkoit bad 1484 ngut kiba ïap nalor ki briew ba dang shitom.

Ka East Khasi Hills kadon 62 ngut kiba dang shitom, West Garo Hills 6, Ri Bhoi 3 bad East Jaintia Hills 2.