174 kiba iabit thymmai iaka jingpang khlam COVID-19

Syllad | The Rising MeghalayaJanuary 17, 2022

Haka sngi Nyngkong ka jingdon ki briew kiba shitom na ka jingpang khlam COVID-19 ha baroh kawei ka jylla kala kynjoh sha ka 1207 ngut hadien ka jingiabit thymmai sa 174 ngut.

Katkum ka jingpyntip ka tnad ka Koit ka Khiah, 174 ngut ki briew kiba ïabit thymmai ïa kane ka jingpangkhlam bad kiba ioh pat iaka jingkoit ki don 95 ngut.

Ki briew kiba iabit thymmai iaka jingpang khlam ki kynthup na East Khasi Hills 144, West Garo Hills 13, Ri Bhoi 9, West Jaintia Hills 3,  West Khasi Hills 3, East Jaintia Hills 1 bad South Garo Hills 1.

Ki nongpang kiba la ioh pat iaka jingkoit ki don haduh 95 ngut. Kine ki kynthup na East Khasi Hills 88, Ri Bhoi 2, South West Khasi Hills 3, West Garo Hills 1 bad West Khasi Hills 1.

Ka jingdon jong ki briew bala ïabit ïa kane ka jingpang khlam ha Jylla baroh ka long 86532 ngut bad napdeng kine 83835 ngut kila ïoh ïa ka jingkoit bad 1490 ngut kiba ïap nalor ki briew ba dang shitom.

Ka East Khasi Hills kadon 942 ngut kiba shitom, West Garo Hills 107, Ri Bhoi 70, East Jaintia Hills 25,  West Jaintia Hills 24, West Khasi Hills 18, South West Khasi Hills 6, South West Garo Hills 4, South Garo Hills 4, North Garo Hills 4 bad East Garo Hills 3.