156 run marwei khyrwit u Kishan jop ka Friends Utd iaka Ummulong haka Open to All Cricket ka WJHDCA

Syllad | The Rising MeghalayaApril 22, 2023

U Kishan Lyngdoh marwei ula khyrwit 156 run na ka 75 ball bad ula lah ha kaban lam lynti ia ka Friends United XI ban jop pyrshah iaka Ummulong Sports Club da 1 wicket haka Open to All Cricket Tournament kaba pyniaid da ka West Jaintia Hills District Cricket Association (WJHDCA) kaba long ha madan ialehkai ka shnong Khliehtyrshi haka sngi Saitjain.

Da kane ka 156 run u Kishan Lyngdoh ula ioh ruh ban khur iaka khusnam man of the match bad kane ka dei ka sien kaba lai ban khur iaka khusnam ha kane ka tournament.

Ha kane ka jingiakhun ka Ummulong kala tied shuwa ba kala buh iaka thong kaba 265/7 na ka 35 over. U Rejoice Gassah 123, u Heisniawlangki Lamare 44.

Na kaliang ki nongkawang ball ka Friends United XI, u Pyrkhat Sari ula khur 3 wicket bad u Shadap 2 wicket.

Haba poi ka pali jong ka Friends United XI ban beh ia katei ka thong kaba la buh ka Ummulong Sports Club kala pyndep haka 33.4 over da kaba kamai 268 bad liem 9 wicket

Ki nongkawang ball ka Ummulong kiba ioh khur wicket ki dei u Cameo Lamare 4 wicker, bad u Wellmanson 2 wicket

Da kane ka nam jop ka Friends UTD XI kala buh jaka ialade haka kyrdan jong ka semifinal n aka pool B bad ka Efty United XI Mynso ruh kala rung sha ka semifinal n aka pool A.