100 tylli ki COVID scholarship yn ai MLCU sha samla pule ba hiran ka ioh ka kot

Syllad | The Rising MeghalayaAugust 29, 2021

Ka Martin Luther Christian University (MLCU) ka tyrwa ban ai 100 tylli ki jingpule ha ki course bapher bapher jong ka Under Graduate seat khlem da donkam ban siew ne ke scholarship na ka bynta u snem 2021-22.  Kane ka jingtyrwa kan long ia ki khynnah kiba shem jynjar ha ka liang ka ioh ka kot. Kane ka scholarship kan dei naka bynta baroh 3-4 snem jong ka Bachelor’s Degree. Yn shim ruh tang ia ka bai Application kaba long 100 tyngka.

Kine ki free seat kin don ia ki course: Business Administration (BBA), Bachelor in Computer Applications (BCA), BSc Environmental Science (BSc ES), BA Music, BSc in Food Science and Nutrition bad ka Bachelor in Travel and Tourism Management (BTTM).

Ka jingjied ia kine ki khynnah kan long kat kum kine ki kyndon harum:

1. Ia u/ka khynnah  kiba ki kmie ki kpa jongki  ki la duh shen ia ki kam kamai jakpoh jong ki na kadaw jong kane ka  khlam Covid -19
2. Ia u/ka khynnah kiba wan na ka longing bym don shuh u kpa
3. Ia u/ka khynnah kiba dei ki khunswet
4. Ia u/ka khynnah kiba don jingduna ha ki dkhot met bad kiba shem jingjynjar ha ki liang baroh
5. Ia u/ka khynnah kiba dei ki  transgender

Ka jingkhot ia kine ki application kan long naduh ka 28 tarik August haduh 13 tarik September 2021. Ia ka jingtip ba kham bniah lah ban ioh na ka website www.mlcuniv.in jong ka University lane da kaba phone ha u number 9362703349 / 9863594249.

Ka khlam Covid-19 ka lah wanrah ia ka jingeh kaba khraw khamtam ha ka liang ka ioh ka kot jongki ba bun ki longïing long sem bad ka pynlong ruh ia ki ba kin ym lah shuh ban siew iaka bai jingpule jong ki khun jong ki. Ka jingkiew jong ki khynnah kiba pass ia ka Higher Secondary Board Examinations mynta u snem kala pynlong ia ki jindonkam kiba bun ha ka liang jong ki Under Graduate seats.

Wat hadien jong ka Admission, ka University kan ai ruh ia ka jingkyrshan kum kaba peitngor bad ai jingsyllok naka bynta ka jingbha jingmiat bad ka jingkiew shaphrang haka liang ka pule puthi jongki. Ka Ophis jongka Dean of Students kan ai ia ka  jingkyrshan kaba kyrpang iakine ki khynnah ha ki liang baroh.

Ka MLCU kala kiew bha ha ka liang ka admission jong u snem 2020-2021. Kat haduh mynta, ki lah jan kot sha ka  phra hajar ngut ki khynnah kiba lah pass na kane ka University bad ka lah ioh ruh ia ka kyrdan ka ba hajrong na ka liang jong ki private university ha kine ki 3 snem kiba la dep.