Yn wan ka NIRDPR sha Meghalaya ban iasam ia ki jingnang jingtip halor ka Social Audit 

Syllad | The Rising MeghalayaOctober 18, 2024

Ka Centre for Social Audit hapoh ka National Institute of Rural Development and Panchayati Raj (NIRDPR) ka la pynbna ia ka jingwan jurip kaba san sngi sha Meghalaya naduh ka 21-15 tarik u Risaw na ka bynta ban iasam halor ki jingnang jingtip kiba iadei bad ka Social Audit ha State Institute of Rural Development (SIRD) ha Nongsder.

Kane ka prokram kaba dei ka sien kaba lai na ka bynta u snem mang tyngka 2024-25 ia kaba la pynlong da ka NIRDPR ka thmu ban iasam ia ki jingioh jinghikai markylliang bad ban sam ia ki jingtip hapdeng ki nongiashim bynta na kylleng ki jylla bad union territory. Ia kane ka jingwan jurip yn pynbiang pynbit da ka Meghalaya Society for Social Audit and Transparency (MSSAT).

Ki nongwan iashim bynta kin ioh ia ka lad ban iakir jingmut bad ban ioh ia ki jinghikai na ki sienjam kiba seisoh halor ki social audit ba la pyntreikam ha Meghalaya. Lyngba kane ka jingwan jurip, ki nongiashim bynta kin ioh ban iamir jingmut lang bad ki kynhun kiba ia don bynta ha ka kam bad ban ioh ia ki jingshai ba kham bniah halor ki social audit bad halor ki sienjam kiba la noh synniang sha ka roi ka par jong ka Jylla.

Ka jingpynlong ia kane ka prokram ka thmu ban pynwandur na ka bynta ban pynlong ia ki jingiamir jingmut bad ki jingiatreilang kiba seisoh.Kane ka iadei bad ka thong jong ka NIRDPR ban tei ia ki jinglah ha kylleng ki jylla da kaba kyntiew ia ka jinghikai jong ki paralok bad iarap ia ki nongiashim bynta ban pyniadei ia ki rukom treikam kiba jop sha la ki jong ki jong ki thain.

Shuh shuh kane ka jingwan jngoh ka pynpaw ruh ia ka jingshimkhia jong ka NIRDPR ban wanrah ia ki jinghikai ba iar ha kaba ki jylla kiba wan ban iashim bynta kin lah ban iasam ia ki jngnang jingtip bad pynshlur kylliang na ka bynta ka roi ka par kaba neh bad kaba mar ia ryngkat.